尚興潮州海鮮飯店 (已結業)

为友人预祝生日，早几星期已订位，但黎到竟然要等多廿分钟！老板仲话要一班坚持要坐房既疑似有米大陆客坐好，先会安排枱俾我地。订位服务系咪如同虚设？又系咪恰我地比较后生，冇消费能力食D好贵既菜式？ 扰攘一轮，终于安排咗个近收银台既位俾我地，拿拿临点菜！腌濑尿虾：好得意既口感！腌完冇咗虾肉本身种爽脆，变得淋bat bat，但外壳依然系咁硬，要慢慢「梅」D肉出黎。虾肉咸香，佐酒一流！潮州拼盘（小）：含四样小食，仲有同生日友人最夹既寿星公雕花海蜇爽口多汁，鱿鱼炒得香脆，另外两款炸野唔太食得出系咩，断估系类似鱼饼既野，不过油份唔多，几好食！炸蚝饼：好多只肥美蚝仔但完全唔腥，而且粉同蛋浆既比例好好，唔会有食落一口面粉既感觉。推介潮州小炒（左）：有几种菜同鱿鱼、肉丝、海蜇丝炒成，有咬口既一碟小菜。粉丝杂菜煲（右）：非常足料，用上汤煮成，冇落味精。蚝仔粥：又一推介！每一羹都有大大只只既蚝仔，汁多肉嫩，每人一碗唔多够喉卤水拼盘：可以自己拣拼D咩。我地拼墨鱼、鹅片、猪大肠，有几片豆腐垫底。只卤水味道较得几好，唔会好咸，鹅片同大肠等都好入味！绿豆糖水：一人送一碗。第一次食呢款糖水，几特别！绿豆去咗壳冇味，唔会