廚房佬餐廳

营业中

休息中

好日都返入屯门。今日约左朋友。早左到。念住求其食个饭先。咁就去左屯门新墟厨房佬。（利申。已住屯门30年。所以乜乜厨房佬。厨皇之类经常帮衬）。基本上食物无乜好讲。茶餐厅50蚊个饭有饮品仲想有乜惊喜?我一直觉得呢间嘢老板都有少少heart做嘢。例如叫个猪扒饭。总会有粒车厘茄同西兰花配菜。望落都顿时高档左。作为食客心中都会笑一下。做嘢最梗要有heart嘛。但系。员工质素真系不敢恭维。扮失明失聪既技俩直迫影后。玩手机甚至进入忘我境界（唔记得左自己返紧工?！）。好辛苦先叫到个黑面既帮我写单。等我个餐到哂。都无人俾餐具。（印度厨房佬?）。面对影后。唔通自己拎餐具?自助餐?其实真系想转身就走。好彩收银果位姐姐见状立即送餐具过黎。仲讲左3次对唔住。我果一刻都定格左2秒。唉。算啦。都道歉了。唯有食啦。食完就上路啦。之后果位姐姐放饭。仲坐下我对面位。我趁机同佢讲左几句。佢又再道歉。唉。唔讲啦。够了。（都唔关你事道歉做乜?正所谓怨有头债有主）。写呢篇嘢。目的系提醒厨老板请人唔该请d有heart既。讲完。