船皇 (大埔超級城) (已結業)

疫情下，多左叫外卖系常事。大埔超级城船皇开咗好耐，一路都想试，今日行过见到外卖有八折真系几吸引，就决定试下。我叫左一个推介嘅船皇汤金边粉$58俾自己，一个鸡丝鸡翼捞面$48俾我细佬，再额外加左个泰妹鸡翼$22，八折后$102觉得好似几抵。但当俾钱时，无谂过咁大间系超级城入面嘅铺头竟然只可以俾支付宝同现金，连八达通同信用卡咁普遍嘅付款方式都无（疫情下我会尽量避免现金付款，减少传播病毒），最后我俾咗现金（好彩有带😓）。返到屋企我同我细佬就即刻试食，我觉得食物味道一般，好失望......而我细佬就觉得偏咸，而且男仔会觉得唔够饱。但最令人崩溃嘅系佢竟然漏咗鸡翼😱对于好钟意食鸡翼嘅我黎讲，真系好崩溃同伤心😭咁亦都变相无八折到，我要用正价食船皇😔总之，我同我细佬食后觉得我哋都唔会再帮衬。