十二味不只是烤魚 (已結業)

今日天气好冻，一冻就想打吓边炉，仲要系辣个只，同朋友经过呢间烤鱼就二话不说入咗去～舖头系Scan QR Code 手机入单，叫嘢食都几方便的～经典麻辣味 X 清江鱼 $258｜我地叫咗中辣，个锅其实味道是不错的，有好多花椒八角，一上锅嘅香辣味已经令我留晒口水。拣完锅之后就拣鱼，有四种：鲩鱼、清江鱼、江团鱼同桂花鱼（顺次序咁计：最少骨到最多骨，价钱都系）。最后叫咗清江鱼，估唔到又几滑，而且无乜骨，但肉质比较腍，250蚊又无话超好食，开始觉得有小小唔抵😕😕份量而言，两个人叫一个锅，加3个小食都差不多。之后再叫咗几个𩠌打边炉。加拿大肥牛 $68，感觉好一般，份量又唔多；炸鱼皮 $28，竟然系腍嘅！一啲都唔脆... 宽粉 $ 22，每次食火锅都系必叫的！烧椒皮蛋 $48 |本身对皮蛋充满期待，唔知系咪食开谭仔的皮蛋，呢个皮蛋的味道实在太奇怪，所以最后都无食晒。绝对不建议大家叫。落单系自助式，但计埋加一，都要成550几蚊，又唔系特别好食，真系觉得唔太抵。