影片
更多
2020-11-25
2086 浏览
平时食晏间唔会去食呢间野，其实就一般般不过不失，价钱唔算话特别平，晏昼都要加一，70蚊食个晏昼，但系就贪佢啲位都叫舒服，又有啲韩式小菜，不过啲侍应又系澳牛啲侍应mode(宜家澳牛都叫好态度)，西口西面，上菜都好似得罪佢咁今次重有趣，我同啲同事食紧嘢，个呀姐走埋嚟话要收啲吉碟，咁好啦，做过侍应都知想快啲执好啲张枱，咁如是者我就同啲同事继续倾偈食嘢由佢收，点知个呀姐收收下突然同我地讲: 你地唔好讲嘢啦，你地唔惊架咩？我好惊你地啊！首先，冇人叫你过嚟收嘢，你自己喺人地食嘢嘅时候过嚟收收收已经极度冇礼貌第二，食嘢除底口罩喺法例上都批准，而且亦冇话唔可以一路食嘢一路倾偈第三，真系咁惊你可以带埋眼罩耳罩，其实最好系等啲客人食完带翻口罩再过嚟收枱我都费事再加盐加醋，大家想去感受澳牛版嘅韩国餐厅侍应就去试下，不过利申，啲嘢食系同澳牛冇得比！(味精嘢)P.S. 同完佢个餐厅经理反映完重要俾人催埋单，而且𠮶时系冇人等紧位！出色！
今次重有趣，我同啲同事食紧嘢，个呀姐走埋嚟话要收啲吉碟，咁好啦，做过侍应都知想快啲执好啲张枱，咁如是者我就同啲同事继续倾偈食嘢由佢收，点知个呀姐收收下突然同我地讲: 你地唔好讲嘢啦，你地唔惊架咩？我好惊你地啊！
首先，冇人叫你过嚟收嘢，你自己喺人地食嘢嘅时候过嚟收收收已经极度冇礼貌
第二，食嘢除底口罩喺法例上都批准，而且亦冇话唔可以一路食嘢一路倾偈
第三，真系咁惊你可以带埋眼罩耳罩，其实最好系等啲客人食完带翻口罩再过嚟收枱
我都费事再加盐加醋，大家想去感受澳牛版嘅韩国餐厅侍应就去试下，不过利申，啲嘢食系同澳牛冇得比！(味精嘢)
P.S. 同完佢个餐厅经理反映完重要俾人催埋单，而且𠮶时系冇人等紧位！出色！
张贴