嘉年華海鮮酒家

营业中

休息中

用餐体验差到我要写食评！平日11:00见荔景站附近冇乜餐厅，嚟酒楼食个早餐，冇乜客人 。叫左个腊味糯米饭，两份点心 。点知等左半个钟都未有，问个楼面佢好敷衍咁话「系咁㗎啦呢间酒楼」，问点心姐姐佢就话「我都冇㗎我㗎车冇都俾唔到你㗎啦」服务态度0分，可惜冇得俾0分。隔离枱燥底同楼面讲仲俾人串「咁唔掂我地一早关门大吉啦」冇野食受气都饱哂。等多十分钟，终于嚟左碟蛋散，甜到不得了，食完即刻要去睇急症，糖尿病！好彩玛嘉列医院就喺隔离之后好似食高级西餐咁，食完一碟先到下一碟，有条牛肉肠粉，冇乜特别就系牛肉肠粉。仲有个冇乜汤汁既小龙包淡味烧卖同埋用时50分钟既糯米饭，都唔知讲咩好，先饿到觉得食到就是赚到，但不好味 够料。食完马上闪人，走𠮶阵仲要俾收银黑面，好似我食左太耐咁，但系我都冇计啊！下次食711捞面好过食呢间。