河畔強記雞粥海鮮酒家 (已結業)

由于要陪妈咪去宝褔山， 所以顺便开车来呢度试下鸡粥同乳鸽。一行4人， 餐厅冇咩人， 叫左个4人餐加黄金鲜鱿。鸡粥的份量好多， 4个人每人食到2碗半粥， 鸡的份量都算多， 粥都够绵， 但好明显系鸡同粥唔系一齐煲，应该系只系把白切鸡放落白粥加小小鸡汤， 所以唔够正宗。粟米斑块好一般， 不过份量都算多。反而个梅子骨好好味， 酸酸甜甜， 很入味， 而且香口， 送饭一流。黄金鲜鱿十分失望， 咸蛋唔够多， 鱿鱼唔新鲜， 唔爽口， 肉质太淋。乳鸽， 十分好食， 系全餐最好食的， 上枱时热辣辣， 炸得香脆， 又大只唔系B B鸽， 肉多， 食到停唔到口， 要叫多只!