Outback Steakhouse (已搬遷) 新店位置

12/22(Mon) 成班同事合共17人一齐嚟到食个xmas b-day lunch，当日餐厅都唔系好full，只系加埋我地有三枱超过10人。最初打电话booking至到入去坐低叫野食，整个过程d店员都好好，直至去到我地差唔多食完叫店员攞蛋糕出嚟俾我地切，足足等咗20分钟。我差不多每隔5分钟就问佢地可唔可以攞蛋糕俾我地，因为赶住返工，但佢地既答覆系「等等」。我都明佢地好忙，所以起初等10分钟都算，但到15分钟后我同佢地讲赶住走，个店员同我讲「我地揾另一个同事攞出嚟」。吓！唔系呱！攞个蛋糕出嚟要揾个专人攞俾我地？成间餐厅咁多人，唔通真系得一个人负责攞蛋糕出嚟？但系叫埋单就鬼咁快出到单㖞！最后当佢攞到出嚟时，我地仲有5分钟时间返公司，搅到我地净吹爉烛同影相，就叫番佢pack入个盒攞走，真玩野！仲有食set lunch佢地可以储印仔，十个印仔就可以下次免费一个set lunch。记得以前去食d店员都会自动送张印仔card，依家要问佢先话有，但佢交俾我地时劲冇礼貌，叫都唔叫声就递张card我，其实叫声「小姐！ok 0架喇！」都得呱！更何况「多谢/多谢光临」会听得到？