Mr & Ms Burger (已結業)

难得有一日假期，便同老婆去揾间burger食下，谂住relax下，最后拣左呢间，简直失望到极……女店员由落单开始已态度已经好冷淡，好似唔想做我地生意咁，全程黑面到爆~由于我地一开始系坐喺门口位，佢每次开完门都唔关返门，今日天气又劲热，啲热气系咁攻埋黎，每次都系我帮手关门，以为自己做左店员……落完order知道原来隔离铺都有位，就要求转去隔离铺位，食物到左，叫左两客汉堡包括一客慢煮鸡排同一客传统汉堡，再加一客黑松露菇，客菇黎到，个位有好性格嘅女店员一野就将成碟食物放左喺我部手机上面，劲无礼貌，跟著就依旧黑面转身离开。汉堡嘅质素一般，个黑松露菇几乎食唔出有黑松露嘅味。食食下仲冷气机滴水滴正喺背脊，唔好意思都无讲声。总括黎讲，一定唔会再去，黑面女店员黑面到一个点，完全影响哂我俩嘅心情。