錦麗 (又一城)

营业中

休息中

午餐繁忙时间food court揾唔到位，于是选择排队食呢间，等左10分钟左右入座。我地两个人，职员俾左四人枱，本身以为会被搭枱，但最后都坐足全程，而且冇催赶。小小挑剔系张木椅都几重，要用D力搬。另外，职员有抹枱系好事，不过块布可以唔洗咁湿，张枱湿得太夸张。食物方面，叫左一个越式蟹肉饼蕃茄汤檬粉+玫瑰龙眼茶 & 一个胡志明综合粉+咸柠檬青柠水：越式蟹肉饼蕃茄汤檬粉蟹肉饼唔系肉饼而系肉碎，亦冇乜蟹味；蕃茄汤个味几假；扎肉既胡椒味都几辣，未必人人接受到，豆卜有阵唔知咩味。胡志明综合粉牛肉冇牛味，汤底淡，系牛丸有多少少味。饮品普通，龙眼茶叫左少甜，黎到我觉得直头冇落糖。整体黎讲唔会encore。