MGB by Manhattan Grill & Bar (已結業)

第一次写食评，因为真系顶唔顺呢间嘢！团购来食，知道系平，但系啲嘢食同服务态度真系好麻麻。由一入门口已经被人摆去啲偏僻位坐，之后叫俾餐单要三催四请，最后仲话团购无得叫happy hour 嘢饮，都算，但餐厅职员之后交头接耳话我地唔系叫嘢咩，另一个话我地睇下姐而家系你地唔俾我地叫嘢咋，咩态度啊！跟住餐汤唔跟menu ，蘑菇汤变咗南瓜汤，完全唔同我地讲，无都讲声啊！啲牛柳㶶过旧炭，啲味系苦架。我知我地系用券，你都唔使煮堆致癌物树皮俾我地架？等我男朋友仲加咗$98去点个羊，点知黎咗3块锅捞疑似羊嘅肉，我自己煮唔好？两个主菜都超级难食！！！呢间嘢绝对无下次！