小麥廚房

营业中

休息中

回归日假期, 中午原本想去百利冰室食鲜茄猪扒饭, 但去到刚好1点钟, 已经人山人海系门口等紧, 我哋一家大细4个人,估计两点都未有得食, 结果过咗去隔离𠮶间「小麦厨房」开饭。门口望入去都几正常, 墙身仲贴有好多望落几及引的食物海报, 但入到去都知衰, 收银隔离企了两个「步兵」等紧(即系厨房做唔切啦！) 场内有两张「吉」枱但无人清, 收银哥哥兼侍应兼听电话接紧外卖单, 根本唔得闲理我哋, 体谅小店人手紧, 我哋乖乖坐下一枱等人招呼兼清枱。不过这个「小麦」空间不是你愿意等就会有人自动回应你, 好不容易才能完成下单, 包括要求人清枱、求人俾餐具(要叉无叉、要筷子无筷子𠮶只)、求人俾番张单(平时唔会,但见隔离枱有, 真心惊佢漏单)。食物质素唔驶讲, 当然系一般以下, 但最顶唔顺系场中间行行吓的老板娘, 叫佢帮忙跟跟D餐汤未来, 佢一句「无人手, 系咁」, 我都知, 但你咁回应我😠, 我驶唔驶折高埋衫袖出来帮手呢！