海灣燒烤大王 (已結業)

睇咗下边d食评，心想服务有冇咁差，去完先信原来句句属实。其实d食物真系好一般，都系大路货色，丸、肠、扒。风景又唔系特别靓，根本唔值佰几蚊一个人，半价就会考虑。D服务就真系冇，唔系差，系冇。班阿哥阿姐个d负分态度真系令我冇法相信。有冇理由俾钱受气，黄子华话你份人工一半系俾你做你老板唔识做嘅嘢，一半系俾你受气。所以入场费因为要包埋受气，所以在上边食物只值半价再减受气半价，应该唔驶钱。受气内容同下边冇乜分别，所以我唔明点解烧烤大王会有正面评分！见到有会员好体量d员工，重话自己系做餐饮，我认为佢一定系烧烤大王返工。我都系做餐饮，但真系冇法体量。