麻布茶房 (已結業)

星期六晚去食咗个牛肉火锅，再加一个牛柳粒定食。先来火锅，牛肉比一般日式火锅厚切一些，全锅得5块，配菜很少，另加乌冬要比多$10，好彩加咗乌冬，因为个火锅食完完全觉得唔饱，呢个火锅个原价$196 ，现在特价$98，如果唔系特价食嘅话，我就觉得相当之唔抵食。而另一个牛柳粒定食，就比较好啲，虽然有几粒牛柳粒㶶咗，但其他冇煮㶶的都几入味好食，再加埋其他餐汤、迷你雪糕、红豆小丸子等等，成个套餐要$118 ，抵唔抵食就见仁见智，我就觉得一般啦！另外佢哋经常漏单，食完主餐，等咗好耐啲雪糕都未到，我哋total叫咗两杯雪糕，要问一次先至嚟一杯，要再问，先至来另一杯，原因系两次都漏单⋯⋯ 到最后仲欠左一支可乐，结果都系要主动追问先至有得饮，如果唔系跟餐嘅话，真系唔会追支可乐同雪糕！佢哋普遍服务态度一般好的，但其中一位侍应，态度最差，非常之冇礼貌，令我印象非常深刻到决定唔会再返转头帮衬！