古月

营业中

休息中

午市（大概十二点）来食饭，叫咗杯三色奶茶同埋辣椒板面。个辣椒板面包一碗鱼蛋汤，我都未饮完店员已经想收走我只碗，我叫住佢先无收走我碗汤。当时餐厅大概只有一半人入座。之后碗板面到，食到一半都未上杯奶茶。叫店员追一追，佢非常唔耐烦地话整紧。结果食完成碗面，终于等到杯奶茶。我碗面紧系一放低筷子即刻极速被人收走左啦，明明入面仲有啲料未食完。饮饮下杯奶茶，个店员已经等唔切咁又抹台又盛。再过30秒，直情出声同我讲：小姐你差唔多时间要交台啦。吓？！你无同我讲过有限时几点要交台架喔。而且唔系你整杯奶茶整咗超过20分钟，我唔会食完碗辣面先有奶茶饮啦，而家唔系我赖死唔走阻住你，系你咁迟先上野饮俾我，仲要我未饮完出声赶我走。我唔知呢啲系咩待客之道，咁恶劣既服务，难怪佢晚市无乜客。