WIRED CAFE (已結業)

题外话/补充资料： 今次系第二次来这cafe, 服务真系越来越差, D野UN好食都无用, 仲要根本唔系好食！ 第一次去，已经够好笑。等个pancake等左足足40分钟，真系40分钟！！太难忘，搞到我以为自己等紧东京果款souffle pancake...都算，同个friend吹住水等，好，终于来到，切落去，完完全全痴晒底，成浸㶶味攻出来，真系火都尼，于是叫一位四眼女侍应来，佢够胆死答我「系咁架，好正常」我将D涌到出门牙既粗口逐粒吞返落肚，如非必要，我都唔想令D侍应咁难受，我深呼吸，叫佢自己闻下D㶶味，同睇清楚有几咁痴底，佢都仲死撑话「好正常」。好，机会俾左你，你仲系咁得意，我唯有话「麻烦你揾个智商高D既正常职员来同我讲野，我同你沟通唔到」然后有位经理过来，马上道歉，再即刻整返个无痴底，无㶶味既pancake来。第一次O咀经验完。 既然服务咁差，d女侍应咁得意，咁点解仲要去第二次呢？因为我朋友book左枱，好，我辜且俾多次机会呢间餐厅。入到去，已坐满人，我地4个人当然系想坐一张四位枱啦，唔系book枱来做乜？但佢地竟然俾张十人枱我地坐，然后话要同其他客人share table. 即刻火都来，如果要塔枱，咁请问我做乜要book枱呢？点解唔reserve table俾客人呢？ 果位金毛短发，样子分不到男定女，自称系「经理」既'Nicole Chan"就话嘞「呢度全场都系订枱架啦」。好，算，我地都坐住张十人枱先，但实在唔想同其他人share枱，倾计唔方便，于是谂住见到有人埋单就调去四人枱。坐左几分钟真系有人埋单走，于是我地想调过去坐。 当时未落order，水都无杯serve过我地，餐牌都无俾过我地，即系我地只需要立手袋行过隔离枱就得，乜都唔洗搬，果位金毛「经理」阿Nicole Chan即刻冲出来话唔得，然后仲带左出面客人入来坐张4人枱，我忍唔住问下人地系订枱定walk in，佢地答我话系walk in。想问大家，俾你，你火唔火？ 同样地，我将D涌上喉咙既粗口吞落肚，一于同个「经理」Nicole Chan理论，点解你唔俾book枱客人调去坐4人枱，而俾walk in客坐呢？就算佢地系订左枱，咁我地都一样系订左枱吖，先来先上岸，点讲都应该俾我地坐张4人枱先啦下话？ 果位「经理」Nicole Chan态度劲串，自以为口才好叻咁一轮咀bilibala，我一野喝停叫佢shut up，我都未讲完你嘈乜野先? 佢个表情十足果D好唔忿气既MK妹一样，我真系好唔明呢D质素！由内到外，点解可以做到经理咁赶客？唔系要你靓，家阵唔系选美，但都唔该注意一下仪容，整洁D，唔好油头垢面咁吖。唔洗要你五星级酒店服务态度，我都知自己唔系去半岛high tea, 但我不至于系去踎大排档吖，假假地都系间餐厅，你俾D咁既服务态度我？？一句唔好意思都无，只系不断讲歪理死撑。好心你返去俾人再培训啦，餐厅请著你真系喊三声。 由于你实在太得意，而我又太得闲，我已经向Mira, 向你老细, 再向wiredcafe日本店投诉你。 你地在openrice搞book枱有discount系好事, 但都唔该计下数, 你地有几多张枱可以在同一时段俾人book先得架, 一味谷人数, 又唔做好风险评估, 搞到好似我地今次咁, book左枱都要「塔枱」, 咁我做乜要book枱先? 一系你地就事先讲明俾人知有可能要塔枱, 而唔系好似阿Nicole 姐咁黑社会态度, 扯高8度咁讲「呢度个个都系book枱架啦, 唔够枱就要塔枱架啦」搞到我以为自己食紧大排档！垃圾！不知所谓！