德成巷仔 (已結業)

当日大雨到有遮都半身湿，谂住揾个地方食嘢，顺便避下雨，见到呢间声称自己系老字号既德成巷仔，就入去试下。未知系咪当日维多利亚公园有大型公众活动，一入去就话无晒下午茶餐，只有常餐！自问唔算十分拣择既人，所以得常餐咪食常餐啰！同行友人同我都有系点餐后，同侍应反映冷气同风扇太冻，但系讲左几次佢都无应过我地，当听唔到然后再特登叫佢过黎同佢讲话我地淋湿左好冻，可唔可以熄其中一个风扇，点知佢既回应系佢好热，热到出汗，唔会熄 我地唯有谂住快快食完就走！期间同场亦有其他食客反映好冻，该名侍应都仍然当听唔到！唔知系咪有心想啲人快啲食完快啲走！食物质素只系普通茶餐厅，但系要淋完雨冻住食就系不是味儿！