8鍋臭臭鍋 (金巴利道) (已結業)

本身想去任食火锅，不过人好多要排队，又冇book位。去咗附近嘅呢间臭臭锅，N年前食过一次 ，阔别多年，今次再食有啲失望。食物质素真系麻麻地😑。蒜香牛肉锅：得一粒沙白，其他食材亦都好普通。肥牛啲肥膏仲多过啲肉😫唔知点食好？！而且个汤底蒜香味，一啲味都无。加钱叫咗台式嘢饮：绿茶加彩色寒天。嚟到嘅时候，其实已经见到有粒黑色嘢系个杯里面。不过我以为系茶叶冇理到。饮到一半嘅时候，发觉吸上嚟系一粒黑色硬掘掘嘅嘢😣。个人觉得系镬捞。于是话番畀店员听，见到佢真系走去过茶煲度，倒啲茶出嚟研究个煲底。佢话系啲茶叶，摆咗好耐，可能洗得唔干净，积住喺度。😥最后，佢无收我呢杯饮品钱。虽然佢嘅食物真系好一般，不过都好欣赏店员认真嘅服务态度，唔系hea咗我就算😊。不过应该都唔会再去食，因为觉得唔抵，亦都唔好食。