日和号壽司料理 (已結業)

今日做野经开九龙湾Megabox，就顺便揾埋老婆食个lunch啦，原本谂住去太兴，不过太多人，就去咗呢间日和号寿司料理。等咗一阵，入得。我叫咗个刺身定食，老婆就叫三文鱼蟹棒丼，送餐速度正常，不过就错漏彼多。我叫刺身定食佢只上刺身，我问仲有个饭同面豉汤呢？侍应好似唔知个餐包咩咁俾个黑人问照我，再问另外一个先知⋯⋯ 坐我隔离对男女早落order过我但野食就迟过我上，仲要得一个set，追问侍应姐姐，佢话：「鳗鱼饭系耐啲㗎！」点知最后发现原来无落单⋯⋯食物一般般叫做乎合翻个价钱，唔太强求。最深刻系自己出去俾钱时遇到个竹炭面姐姐，问多句都好似要扣佢人工咁，态度极差，仲要收加一，无下次！