花見月 (已結業)

星期日坐底，唔多人，叫左两客鱼生饭，都有海胆的。转头，两个定食来到，两份都冇海胆。我地问点解冇，侍应就话「冇海胆呀」已经帮我地一个转左做鱼子，一个转左做三文鱼。唔好理钱唔钱，厨房冇料唔系应该话番俾客人听咩？但你问都唔问就帮我转，仲两样都唔同，你跟咩准则去转既呢？我地唔想哂野，问佢点算，佢话「咁呢两个void左佢啰，你再拣过两个」「唔可以剩系换一两様㖞，师傅整左出黎系咁就系架啦㖞」「哦，我地唔会浪费架，师傅系入面食左佢架啦」总之就唔肯就咁换过第样野最后，食物质素普通。我转左叫三色丼，女友叫了葱Toro。唔系特别新鲜，不过不失啦。但面豉汤就够料，几好。系科学园冇得拣先可以卖到呢D价。有D侍应自己企埋一边倾玩，有D就一脚踼。可能，D钱去哂铺租同门面，一日最衰都系占中啦，搞到楼价有升冇跌。