影片
更多
2010-03-21
19 浏览
好友饭聚，相约7点铜锣湾食通天SML。第一次试，食物质素OK啦，唔系话好特别。饮品﹕- SML baby: 即系益力多 + 奶 + 士多啤梨 + 红莓。味道颇淡，好稀- 朋友个两杯Cosompolitan同tiramisu kiss好似正常D食物﹕- 菠菜沙律(中)﹕菠菜都算新鲜既，但系唔知佢放左咩芝士，个味怪怪地，我唔系好BUY- 墨西哥粟米片(小)﹕约有6块Nacho，再加埋黄椒同芝士，系好食既，我钟意佢个牛油果酱，不过如果多D芝士融响面，同埋有芝士酱就仲好- 薯条(小)﹕厚切、热上，最好味- 磨菇松露意大利饭(中)﹕味道都唔错，多菇，可以一试- 墨西哥鸡卷(中)﹕真系唔得，鸡肉鞋，仲要整㶶，其实系难食- 墨西哥番茄汤(小)﹕因为Waiter话明会辣，所以只系叫一客小size试一试，好彩。睇我个Friend个表情就知真系一般，而且真系几辣服务﹕其实真系唔得lor，由一入去等带位到食完走都系一肚火。book左枱，等带位就唔算耐，入到餐厅带位个女仔好似未回魂咁，问左几次我地系味4位，我由book枱到入餐厅都系话3位，入到去以为有得坐，点知仲系度搬紧枱，6座位、4座位搬左几次我地先可以有
饮品﹕
- SML baby: 即系益力多 + 奶 + 士多啤梨 + 红莓。味道颇淡，好稀
- 朋友个两杯Cosompolitan同tiramisu kiss好似正常D
食物﹕
- 菠菜沙律(中)﹕菠菜都算新鲜既，但系唔知佢放左咩芝士，个味怪怪地，我唔系好BUY
- 墨西哥粟米片(小)﹕约有6块Nacho，再加埋黄椒同芝士，系好食既，我钟意佢个牛油果酱，不过如果多D芝士融响面，同埋有芝士酱就仲好
- 薯条(小)﹕厚切、热上，最好味
- 磨菇松露意大利饭(中)﹕味道都唔错，多菇，可以一试
- 墨西哥鸡卷(中)﹕真系唔得，鸡肉鞋，仲要整㶶，其实系难食
- 墨西哥番茄汤(小)﹕因为Waiter话明会辣，所以只系叫一客小size试一试，好彩。睇我个Friend个表情就知真系一般，而且真系几辣
服务﹕
其实真系唔得lor，由一入去等带位到食完走都系一肚火。book左枱，等带位就唔算耐，入到餐厅带位个女仔好似未回魂咁，问左几次我地系味4位，我由book枱到入餐厅都系话3位，入到去以为有得坐，点知仲系度搬紧枱，6座位、4座位搬左几次我地先可以有得坐。之后到上drinks又倒泻野，好在冇整湿衫，如果唔系真系嬲死。食到中途，又见到佢地几个waiter响度搬枱，2人枱变4人枱又搬番做2人枱，来来回回，我都唔知佢地知唔知自己想点。食到8点到，我book枱时已经讲左8点45分交枱，我地都知，但系唔驶8点就黎问你地仲会唔会叫其他野，或者叫定甜品，我地话一阵先，结果佢隔左一阵又问，又成日黎收呢样整个样，个waiter都唔算系好有礼貌。佢问到我地都嫌佢烦，决定埋单走人，去第二度食甜品。埋单$750，价钱铜锣湾黎讲算ok，但下次未必会再黎呢度。
张贴