影片
更多
2010-12-03
3 浏览
同小学同学聚会，听朋友讲呢间唔错又坐得耐就试下啦~果然环境唔错尤其侧边有好足够0既空间放野，如果系血拼之后黎食都一定有充足地方放战利品呢我地都差不多7点先到，但客人只有3、4台咋，完全唔需要顾虑到坐太长时间而被赶。我地叫左以下食物：炸虾饼：一致认为虾太少而粉太多，唔够脆。鸡肾串：几爽脆，但完全唔记得系咩味叉烧拉面：好奇怪，我食0个块叉烧系爽脆得似烧猪颈肉咁架~但同学都话佢地食0既唔系呢种感觉，拉面就因为浸得比较耐先食腍哂喇~猪软骨乌冬：猪软骨d骨一d都唔软，不过总算咬得开，再食埋落肚，d肉都唔会太腍，有嚼劲，乌冬意外地滑，汤底偏咸，饮左一啖即停手。吉列猪扒咖哩饭：绝对唔食辣的我试左一啖所谓唔辣0既日式咖哩汁都接受唔到，只系食吉列猪扒，外面够干身，连入面都干埋，肉汁欠奉。由于每样甜品都只系加$16.8，我地叫左两个都系冷与热混合0既蕃薯雪糕，一个抹茶红豆，一个朱古力+果仁(定杏子?有d失忆添)基本上呢.....两个0既味道系差唔多架，因为都系热热0既蕃薯在下，冷冷0既雪糕在上，再淋上唔同0既汁呀、酱呀咁，所以系食个又冷又热0既混合感觉咁样啰呢度d店员都几殷勤，最初帮我地斟0既系普通温度0
果然环境唔错尤其侧边有好足够0既空间放野，如果系血拼之后黎食都一定有充足地方放战利品呢我地都差不多7点先到，但客人只有3、4台咋，完全唔需要顾虑到坐太长时间而被赶。
我地叫左以下食物：
炸虾饼：一致认为虾太少而粉太多，唔够脆。
鸡肾串：几爽脆，但完全唔记得系咩味
叉烧拉面：好奇怪，我食0个块叉烧系爽脆得似烧猪颈肉咁架~但同学都话佢地食0既唔系呢种感觉，拉面就因为浸得比较耐先食腍哂喇~
猪软骨乌冬：猪软骨d骨一d都唔软，不过总算咬得开，再食埋落肚，d肉都唔会太腍，有嚼劲，乌冬意外地滑，汤底偏咸，饮左一啖即停手。
吉列猪扒咖哩饭：绝对唔食辣的我试左一啖所谓唔辣0既日式咖哩汁都接受唔到，只系食吉列猪扒，外面够干身，连入面都干埋，肉汁欠奉。
由于每样甜品都只系加$16.8，我地叫左两个都系冷与热混合0既蕃薯雪糕，一个抹茶红豆，一个朱古力+果仁(定杏子?有d失忆添)基本上呢.....两个0既味道系差唔多架，因为都系热热0既蕃薯在下，冷冷0既雪糕在上，再淋上唔同0既汁呀、酱呀咁，所以系食个又冷又热0既混合感觉咁样啰
呢度d店员都几殷勤，最初帮我地斟0既系普通温度0既水，之后有位朋友要求暖水后，每次都识斟番暖水俾我地，而且唔驶我地叫佢地添，而系佢地睇到我地饮到剩番dd就识黎添，几nice~
所以，都好可能会再黎食，因为坐得几舒服，同埋都有几多野未试。
张贴
