Chôm Chôm

营业中

休息中

呢间新派越南野一直都系我同我朋友嘅food list度，终于有机会试！舖位比想像中细，枱櫈放得密集，企系门口都听到里面好嘈，其实有一刻唔系几想入去….虽然被安排坐靠窗位置，但真系几嘈，坐得唔舒服。餐牌选择极少，睇完第一转其实拣唔到有咩想食。虾+猪米纸卷一般，D馅正正常常，蔬菜都夹口，但唔沾酱汁系完全无味嘅，好彩块猪唔韧。个米纸皮系有D烟韧，但有D位系硬嘅…VFC呢碟炸鸡翼毫无疑问系全晚嘅highlight！外层炸得好脆，而且腌料落得好多好香，里面亦好juicy，无炸干晒！不过真系临门一脚，发现有一两只中间唔系好熟….Shaking Beef用牛柳切粒，烧得岩岩好，中间仲有少少红，食落好淋好多汁，都好香香料味，黑椒落得重手。酱汁方面酸酸地辣辣地好开胃，下面嘅arugula沾满D汁好好食。Grilled Corn个样就真系好吸引，但系个粟米唔够香唔够甜，就算烧得咁黑都唔够味。烧得咁靓有D浪费，建议佢用靓D嘅粟米…另外叫左一个鸡沙律，果个唔提也罢。同朋友各人叫左一杯cocktail，我果杯系有姜味嘅(唔记得叫咩名)，都ok啦。其实食物整体唔系特别出色，如果餐厅系主攻饮野倾计，亦唔见得好多特别