素食一家 (已結業)

约朋友喺旺角食饭，心血来潮想食斋。即上网search，见素食一家有咁多人like, 应该唔差，就去试吓。今晚叫咗青瓜海蜇鸡丝、荔芋卷、腐皮卷同黑松露松子炒饭。青瓜海蜇鸡丝，鸡丝整得太碎亦太少，如果唔睇餐牌，我以为只叫咗青瓜海蜇。因为根本唔觉有鸡丝。而一般斋舖最普通嘅荔芋卷，居然可以整得又干又硬。好彩腐皮卷唔错。炒饭好食！不过最觉得失败嘅唔系食物，而系服务问题。间嘢收10点，大约9点9叫人埋单，继而落闸，之后仲开始熄灯。好彩我哋𠮶枱已食完。但眼见隔离枱一家四口有小朋友嘅，啱啱先上菜，但间嘢都咁做，就觉得有点儿过份。又想赚钱但又赶收工，做埋呢啲小动作，俾压力要人快啲走。呢间嘢无下次！