Big Fish Seafood and Grill

营业中

休息中

两人夜晚到访，因无订位所以座室外。点菜后见到有客离开，所以室内有位，问问可否帮忙转位。唔知好彩定唔好彩，全晚发生嘅事都系关于转左枱而起。转到位当然系好事，因为户外非常热又大雨，谂住有餐安乐茶饭食下。点知，上咗前菜之后，食埋等到碟都收埋谂住上主菜，点知可以等足四五个字先有个侍应过嚟问我哋点咗啲乜，咁当然讲晒我点嘅菜。一份牛扒一个pizza，四只生蚝。等咗五分钟就上咗牛扒同pizza，应该系转枱而搞到厨房岀唔到单。呢样唔紧要，我接受到。我慢食到最后叫埋两杯嘢饮，啲生蚝仲未到🤦🏻‍♂️我叫嘢饮时已经提咗落单𠮶个侍应跟一跟单。点知当我无到，谂住开蚝要啲时间，唔吹佢哋又系等咗三个字。终于第三个侍应岀现，再同佢讲多次未上生蚝，又不停讲唔好意思。话沟通上岀现问题🤦🏻‍♂️其实食物质素上算ok，但楼面同客人沟通技巧完全不达标准。我相信全晚楼面嘅侍应同大部分嘅食客沟通上系有问题，我唔止一次见到有食客同侍应反映有问题。有好大嘅空间改进，想成为一间好餐厅，由楼面侍应注重开始吧！客人与全餐厅的人最"亲密”接触就是侍应。慢慢想清楚。