老鍋台式火鍋 (已結業)

好少写食评但今次真系有感而发，好耐无去几乎每个职员都无礼貌既餐厅。首先，今次系因为有折扣先试呢间原本系我心目中overpriced 既餐厅，去到原来海鲜类无折扣（通常净系饮品甜品无）唔紧要，但落单时staff完全无mention，海鲜类又系连埋其他食物系同一页餐牌度，去到埋单先知无折真系觉得唔系好专业，有种俾人「阴」既感觉。跟住食到咁上下发现有两碟食物漏单，提完职员再等一轮先送食物黎，啲食物黎到无耐，就有职员话差唔多够钟叫我地埋单先，埋完之后，啲职员系咁行来行去望我地，甚至企系我地隔离定睛望，感觉真系好唔舒服，过多几分钟职员直头行过黎话够钟，叫我地走，我望住果两碟之前漏左单啱啱送上黎无耐既生肉，再望下个职员，我真系呆左。如果间餐厅已经坐满好忙我都比较可以理解，但当时入座率极低，基本上放眼望去除左我地系得1/2枱，咁既情况下，我真系觉得职员态度好差。老实讲，无论系价钱、环境、食物质素、员工态度，同类型既养心殿都优胜好多，想食台式火锅又俾得起呢个价钱真系无必要黎呢间餐厅受气。