孖寶 (已結業)

成日都系孖宝食早餐，趁节日同屋企人去试下晚餐食物方面，餐汤唔错，面包有专登先行烘过，虽然略干，但诚意十足 主菜有惊喜，我点烧猪鞍充满肉汁，配菜亦丰富，二百蚊以内有此质素已经好好。唯一系跟什菌酱不太配，下次可以另选其他酱汁同行有人点了羊扒，叫六成熟有六成熟，味道唔错，仲附上薄荷啫喱，可以一试另外有墨汁意粉，意粉质地正常，分量亦十足，墨汁我冇深究，唔识评论唯一系烧比目鱼比较一般，份量也略嫌较小我叫了抹茶鲜奶作餐饮，抹茶味浓，仲有靓拉花。另外因为是日系父亲节，餐厅送比每位爸爸一枝蓝妹，确实有惊喜！至于服务就真系令人难忘，亦令我决定打食评：餐厅空间有限，但员工经常高声讲野，不乏呼喝客人既场面，令到餐厅长期都好嘈，对比早上时段，同样既一流，夜晚可能会嘈一倍员工唔太理会客人感受，虽然系节日，预计人流多或者人订枱，但我地六点 walkin，有职员竟然要求我地六点九交枱。除非唔容许我地入座，否则食个晚餐一个钟都系基本啦，后来系我地要求下，职员先愿意接受七点交枱P.S. 七点半前埋单可以免跟餐价($28)，主菜免费加汤同餐饮。