Bistrocana

营业中

休息中

Bistrocana @ 赤柱前排去左赤柱一间位于赤柱大街嘅意大利餐厅Bistrocana4个人叫左蕃茄酱罗勒青口配面包，秘制慢煮猪肋骨配薯条及沙律，黑松露杂菌意大利饭，蕃茄水牛芝士pizza首先前菜系蕃茄酱罗勒青口配面包，青口都算大只，食到海水味，都几新鲜，但系蕃茄酱偏咸，面包烘到脆卜卜，几好食。至于份量，赤柱大街餐厅就唔好期待太多啦😜秘制慢煮猪肋骨配薯条及沙律比较普通，猪肋骨烧到有啲窿，腌制嘅酱汁唔系好够，所以食落有啲干，薯条都炸到几脆，不过盐落多左，沙律就中规中矩。黑松露杂菌意大利饭煮得几好，饭粒有咬口，食落唔会好干，杂菌都几香口，不过黑松露味唔算好浓，如果浓翻啲就好啦。蕃茄水牛芝士pizza几出色，除左卖相吸引，薄底pizza配上份量十足嘅水牛芝士，食落芝士味浓郁，口感特别，啱晒钟意芝士同埋薄底pizza嘅朋友。总括而言，CP值唔算好高，胜在有咁靓嘅海景，餐厅位置都方便，天气好嘅时候确实好chill。另外食物其实都颇有意大利风味，都系偏咸，钟意嘅朋友不妨一试。