牧羊少年咖啡館 (香港文化博物館)

营业中

休息中

博物馆或艺术馆内总有一间独市生意嘅cafe，卖嘅嘢通常普普通通，甚至我喺日本都试过食一碟劲难食用微波炉就咁翻热嘅意粉。而呢间牧羊咖啡店不过不失，系可预计嘅质素。当日下午我要睇文化博物馆嘅展览，所以预早入去附近睇下有啲咩嘢食，点知周围都冇嘢食，就系得呢间，所以先入去一试。侍应安排我坐高枱，我得自己一个人就冇所谓，结果我就点了个牛肉芝士牛角包会配薯条，约$80，冇嘢饮。不过呢度可以自助斟水，所以唔叫嘢饮都okay!等咗约十分钟，食物就送到。卖相唔错，薯条份量都够。先食薯条，都够脆，可惜唔够热。个包味道不错，入面啲菜都新鲜，如果个包烘热点会更好。如果喜欢食cafe类食物，都可以一试，再加上环境舒适，就算贵一点也可以。否则最好食完饭先入去睇展览，因为方圆几里都无餐厅。