影片
更多
2023-02-16
385 浏览
平时真系好少写食评，但今次咁差嘅经验真系人生第一次，希望大家唔会遇到同样嘅事🫡今日收工夜左少少，19:45 先上到去，本身上网check咗都知收21:00，所以一坐低就即刻叫嘢食，都有同staff确认多次last order时间同收几点，当时staff好清楚咁答：「Last order八点半，收九点。」🥹食物嚟齐都八点一二，本身谂住等多阵先落埋甜品20:15 另一位staff行埋嚟：「last order啦 要嗌依家好嗌」咁本身都无所谓同埋怕阻人收工，所以有即刻落单追加甜品20:30 餐厅BGM突然变到超级大声，啲staff讲晒粗口(闹紧其他人)又唱歌又疯狂收碟，老实讲就系营造一个好差嘅环境令人唔想再食落去🫠20:45 差唔多就走过嚟讲：「我哋就收工啦 食快少少」其实听完呢句已经无晒胃口，但都唔想浪费食物，谂住剩低少少快啲KO埋佢，五分钟之内走人20:49 间餐厅忽然熄灯，𠮶吓真系呆咗，同朋友坐咗喺度唔知俾乜反应好，唯有即刻执嘢走人，其实差一两啖就食晒🥲🥲系咪真系咁赶收工？？？#究竟系我电话慢咗10分钟定佢哋真系20:50都未到就熄灯赶客？#原本真心觉得食物唔错食得几开心可以翻兜 #依
平时真系好少写食评，但今次咁差嘅经验真系人生第一次，希望大家唔会遇到同样嘅事🫡
今日收工夜左少少，19:45 先上到去，本身上网check咗都知收21:00，所以一坐低就即刻叫嘢食，都有同staff确认多次last order时间同收几点，当时staff好清楚咁答：「Last order八点半，收九点。」🥹
食物嚟齐都八点一二，本身谂住等多阵先落埋甜品
20:15 另一位staff行埋嚟：「last order啦 要嗌依家好嗌」咁本身都无所谓同埋怕阻人收工，所以有即刻落单追加甜品
20:30 餐厅BGM突然变到超级大声，啲staff讲晒粗口(闹紧其他人)又唱歌又疯狂收碟，老实讲就系营造一个好差嘅环境令人唔想再食落去🫠
20:45 差唔多就走过嚟讲：「我哋就收工啦 食快少少」其实听完呢句已经无晒胃口，但都唔想浪费食物，谂住剩低少少快啲KO埋佢，五分钟之内走人
20:49 间餐厅忽然熄灯，𠮶吓真系呆咗，同朋友坐咗喺度唔知俾乜反应好，唯有即刻执嘢走人，其实差一两啖就食晒🥲🥲
系咪真系咁赶收工？？？
#究竟系我电话慢咗10分钟定佢哋真系20:50都未到就熄灯赶客？
#原本真心觉得食物唔错食得几开心可以翻兜 #依家真系不了怕食食吓又俾人熄灯😀
#但凡比翻少少礼貌都真系唔会咁嬲🤭
张贴