Super Farm

营业中

休息中

刚才看见tea set不错，入去试下。已经系第二次去，上次lunch不错，但今次发现员工全部唔一样。唔紧要，最紧要有礼貌，柜台后的staff还好，慢慢解释食物和水壶坏了的问题。坐左一阵，赶住接孩子，唔想浪费蛋糕，问下有无外卖盒，𠮶位企门口既员工竟然第一句唔系「唔好意思无外卖盒」，系「我地呢度既食物全部唔比打包架窝」。其实我都只系唔想浪费食物，非刻意买黎打包，再者蛋糕唔攞走就会丢掉，好浪费。我攞返去比孩子或老公都好。重点系，𠮶位员工重复好多次，话「我地系唔比打包㗎，你唔可以打包，打包系唔得既...」好似我作为一个客人做错左咁，态度好差。呢位员工系我坐系度食tea既时候，已经不停同隔离台用半咸淡广东话倾偈，明显隔离台系佢朋友。挂住chat，从来无帮过柜台入面既其他员工。好好地一间cafe，但员工态度如此，好可惜。希望老细见到可以换人，唔系d食物/冻肉品质几好，客人都唔会返黎。