Metal Steak (已結業)

刚刚今天晚上去过上环Metal Steak，食物质素算是可以啦，对得住个价钱。员工服务态度都唔错，但可惜，很可惜，非常可惜，我以后都唔会再光顾，其实应更正为我以后都唔敢再光顾。事缘系我今日大约6点左右去到餐厅，当时只有我地一台客人，由于尚有朋友未到，我地坐低咗饮住嘢等朋友，期间员工间之对话，唔好话当中的女性朋友，就算系我呢个麻甩佬都简直觉得汗颜，佢地高谈阔论不特止，那把男声更是十个字中有九个字系粗口，修辞技巧更是极其纯熟，将粗口文化发挥得淋漓尽至，完全无视我呢位客人嘅存在，可能佢地真系时运高，睇我地唔到？Metal Steak食物质素其实唔差，性价比亦高，可惜一粒老鼠屎就害了成间餐厅。