牛奶冰室 (啟鑽商場)

营业中

休息中

启钻苑入伙一段时间后，不少新商店开业，其中食肆比较多，有几开茶餐厅，冰室以呢间牛奶冰室较为吸引，不过座位几挤迫，侍应服务态度亦有进步空间。① 爆浆拉丝菠萝包 $18好邪恶，好大个，热辣辣，坚系爆浆，但唔系好拉丝，一切开已经闻到好浓芝士味，呢个菠萝包入面有Mozzarella 同Cheddar Cheese，咸咸地几好味。② 咖喱牛坑腩 $63③ 四川麻婆豆腐饭 $54普通碟头饭，两个都偏重口味，多汁，捞饭一流。牛坑腩几腍，不过碎湿湿，比较细件。麻婆豆腐几多料，食落口感丰富。④ 雪糕红豆牛奶 $29够大杯，不过个雪糕见到旧冰咁，卖相即时扣分，食落口感系有啲怪，似食冰多过雪糕。