青越 (已結業)

约咗朋友喺坑口食饭，嚟咗呢间餐厅。好耐冇入过嚟，原来坑口变咗咁多。呢间餐厅环境静静地几舒服，装修几有特色，啱哂今日倾计嘅心情。我地叫咗一碗泰妃鸡饭同埋生牛肉河。泰妃鸡鸡肉嫩滑，带微微咸香，加上甜豉油味道更突出；黄色的鸡油饭味道香浓，捞咗葱油更好食～仲有甜酸萝卜丝做配菜，唔怕漏～另一方面，生牛肉河味道都唔错。牛肉够嫩滑，个汤都好香。另外仲叫咗杯Caramel Cappucino，原来星期一、二都可以$10叫多一杯同款咖啡！总结：越南菜加咖啡呢个组合几好，服务同嘢食都唔错，虽然未必系最好，不过胜在气氛舒服，饮嘢倾计一流。