Dreams Café

营业中

休息中

同狗仔出街玩完好肚饿，但一个人一条狗坐得舒适嘅选择唔太多，由于呢间餐厅系宠物友善又可以坐室内，一于试下。点咗大啡菇意大利饭，饭唔稀烂有口感，汁有菇菌香，如果钟意食清淡甚至会觉得浓，不过一餐半餐我ok嘅。大啡菇煎得好香，仲有香料调味过，菇香更突出，如果再大只少少就更正值得一提嘅系，老板好亲切，会向你解释menu然后作出推介。而且睇得出佢真系钟意狗，会走埋嚟同狗玩，又准备零食喂狗(仲要系靓嘢)。另外一位间知系咪佢妈妈，一样钟意狗，当日最后个厨都出埋嚟玩狗下次会再嚟，想试埋menu上其他菜式，不过因为怀孕嘅关系，暂时无缘试佢哋嘅饮品了。