九記牛什粉麵

营业中

休息中

经开铜锣湾系OPENRICE 揾到呢间比较抵食之选,睇到呢间之前都黎过几次就谂住再拜访一下。疫情之故,揾到张枱但仲有上手客人食净既野食同几张纸巾系度, 叫一叫执枱位姐姐帮忙执一执, 呢个人立即黑面, 仲比说话人听。佢对住我大声讲话有人(可能系老细)而家叫佢要去煮面, 好唔好老脾,粗粗鲁鲁就执完走左去煮面,枱上客人用过纸巾系随手拿,无手套。我当时心谂咩服务态度?你煮面同你要执野关我咩事,驶唔驶咁无礼貌咁比说话人听?本住疫情期间扶持下小店心态我无怪佢。屋企人坐左埋位我就行去排队买面,又遇到呢位无礼貌的家伙系度煮面。见住佢哥仔前哥仔后咁称呼前面买面果位, 到我一去买就粗粗鲁鲁大声讲"食咩野?"我同佢讲想要咩既𩠌, 佢就即唔耐烦弹一句"面底先呀",睇住前面位仁兄都呆一呆。你老板,我火都黎。你咁Q无礼貌又大细超待客,你比龙肉我食我都背脊骨落。扶持小店仲要买难受?我都未等呢个阿姐讲完我都无意欲再落单,转身就走。