舍利鮨 (已結業)

今日老公放假帶咗我去元朗嘅舍利鮨都食高級晚餐，佢話要同我一齊拍下拖喎！去到坐低先知原來係食而家最興嘅omakase，咁我哋坐低咗之後，侍應都好細心執靚左個位俾我哋！而我哋首先第一嘢食嘅嘢就係呢個左口魚磯邊卷！左口魚咬落去好鮮甜，配埋啲日本蘿蔔同配菜一齊食，令到個左口魚更加鮮甜，層次亦都好豐富！之後我哋就再食咗個帆立貝壽司🍣帆立貝好大隻，好鮮味，上面仲有啲竹炭鹽，令到帆立貝嘅鮮味更加突出！仲有個池魚，亦都係同嘅非常之好食😋上邊有點點薑蓉，而入邊仲有少少蔥花，入口唔單止充滿池魚嘅魚油香，仲有清新嘅薑蔥味，令到池魚變得非常鮮甜！而呢度嘅炸物同樣非常出色！我哋食咗個一夜干香魚！師傅煎得啱啱好！干魚煎得好香脆，但一啲都唔老身，肉汁完全鎖住咗喺入邊，咬落去啖啖充滿魚油香！我同老公真係好滿意呢一餐！