星巴克咖啡

营业中

休息中

之前试过IFC分店嘅咖啡精酿啤酒，个人觉得毫无特别。今次一心谂住去试下呢间旗舰店嘅食物，点知又系期望越大失望越大。首先，揾位方面有啲混乱，入到去见到唔少客人要企系度用餐。当时并非繁忙时间，幸好我们在食物来到之前揾到位，如果唔系拎住食物都唔知点算好。跟住有个攞住iPad嘅职员同我们讲买饮品要排队，但系买食物就可以直接跟他下单，于是我们先叫了个焦糖香蕉朱古力松饼，攞左个号码牌之后继续排队。先讲饮品，朋友叫咗杯冰摇草莓绿茶星果茶加石榴凝珠。呢杯饮品草莓味几乎是零， 绿茶更加是所向无踪，只系得个甜字。 而我就叫咗杯特浓咖啡马天尼，热爱呢款鸡尾酒嘅我觉得咖啡味浓郁而伏特加嘅酒味 亦都没有被淹没，就系糖浆落重咗手。松饼不久之后就来了，卖相系几讨好，但系一啖食落去，竟然系冻嘅，再好食嘅食物都冇用。雪糕亦都冇咩特别，只系普通云呢拿雪糕，唯一可取嘅系香蕉同其他配料还算几新鲜，但呢啲都系基本啫。