九龍餐室

营业中

休息中

本来对呢间餐厅印象几好，食物质素中上。但系今日发生嘅事就令我终身唔会再食。本身我地两个人入到去，有个待应见我地孭住大背囊，叫我地坐个四人卡位。坐低左，我地即刻点左餐。点知等左几个字都未到。然后有个啊姐走个黎迫我地坐埋一边，话出面有人等紧，首先态度已经系差，呢个唔洗讲。你呢头个待应先话想我地舒服啲叫我地两人坐四人卡位，转个头隔一阵又话有人命令我畀人搭枱。你一早咁讲我就坐去个二人位啦。之后等足四个字我地先追单，有个中年男职员竟然话无落，叫我地落过。咁我唔火就奇啦，落左单四个字你先话无，你唔系追究返头先边个落，点解会落漏，亦唔系讲唔好意思，系话：落过啦！三个字。于是我同我朋友起身走，我朋友话呢间野痴线架。个男职员竟然闹我朋友，话：你讲乜X野呀！？ 呢个男职员系中年阿叔，有少少白发，我唔明点解餐廰会请咁既人返黎倒米。食野态度重于一切，话之你几好食，用粗口闹客一定不可接受，我唔会再食呢间野，亦呼吁所有市民晤好帮衬！