黃記煌三汁燜鍋 (已結業)

大学同学聚会，提议食依间，无乜所谓就试下啰，反正用Openrice预约有9折。楼上店嚟，地面入口不起眼，要花花眼力。初头以为系食中式小菜，原来系类似鸡煲，再打边炉嘅模式！一如鸡煲嘅做法，先叫一个焖锅，再系菜单点食材打边炉。最大路当然系海鲜啦，咩牛蛙田鸡完全唔敢试。基本上店员全程服侍打点，帮你开火熄火落酱调味，唔洗自己郁手。所谓焖锅，即系无落水而煮熟海鲜（不过有一大旧牛油防止焦㶶），鲜味都有既，不过$300份量就偏少，广岛蚝每人得一粒左右，八爪鱼仔都系得好少。相信系想客人多点其他菜单上既食材吧。所以我地都叫左「澳洲霜降牛面颊肉」、「响铃」、「蜂巢豆腐」等等，不过质素实在只属一般，不提也罢。银菊露则好似由许留山提供，偏甜。总体而言：食物普通，唯独胜在人少、地方够大，座位好坐，店员都会主动帮手打点个锅。同时幸好埋单并唔贵，除开每人$214，唔算伏亦唔算超正啰。