牧羊少年咖啡館 (葵青劇院)

营业中

休息中

星期日约左朋友去葵青剧场睇风车草既黑心喜剧《Di-Dar音乐剧场》，顺便去剧场地下嘅「牧羊少年咖啡馆 」食饭。我地三个人叫咗一个金沙咸蛋黄凤尾🍤虾意大利粉，慢煮BBQ酱猪肋骨，千岛海鲜 pizza🍕，本身二人餐有送 Häagen-Dazs 雪糕但我地加咗少少钱转咗特浓半熟芝士挞同焙茶心太软，另外再加咗一份是拉差酱鸡翼。最尾三个人都食到好饱。金沙咸蛋黄凤尾虾意大利粉，咸蛋同虾🍤呢组合真系好夹；慢煮BBQ酱猪肋骨肉质松软，BBQ汁又酸酸甜甜好开胃；千岛海鲜 pizza🍕，脆脆的饼底好味又唔会太厚。特浓半熟芝士挞既挞底好酥化，加埋无化果令到佢唔会腻；焙茶心太软流心程度非常澎湃，但焙茶香味浓郁，甘中带甜之余。而拉差酱鸡翼香辣多汁比起水牛城鸡翼无咁辣适合不太能食辣既人士。整体食物份量十足，餐厅环境舒适，服务态度亲切。下次一定会再来。好食又开心，真系一个愉快嘅用餐体验！🍴👍