炙和味日本料理 (屯門時代廣場北翼) (已結業)

2021-5-30大约中午2点半过到去，职员话冇放题，只可以叫套餐，我睇下有咩食既时候职员强调3点落场last order，好似我阻佢落场我错咁。我见D人写高质好味，心谂有质素系串D㗎喇，忍下啦。一入到去职员带我去果左张枱D櫈系冇抹过既，有D水渍定食物既汁，感觉唔卫生，去另一张枱，情况一样，只不过少D水渍，要自己抹。叫左个饭，叫左走葱，个饭上枱时冇走葱，我问个职员，佢就话(系㖞！你自己夹返。)三文鱼子尚可接受，海胆冇味，带子苦，最好味系罐可乐。我知阻你地班大哥大姐落场，都唔敢留太耐，已经尽左力食快D，下午3点03分埋单走，真系唔好意思。之后行一阵屯市，个肚一直响，5点几返到屋企肚泻。服务态度不佳，收服务费。