Oldish (已結業)

已经支持咗OLDISH好几年💖除咗因为环境舒适、装修有品味，食物质素都唔错！尤其系signature burger🍔所以，去开附近，都一定会去支持食吓嘢。但事隔一段时间再帮衬，都觉得几失望。我平日夜晚（8点左右）去到。入到去，食物只系得返意粉同饭，饮品（其实上到去食都会想enjoy杯咖啡🥲）、甜品都未能提供🙅🏽‍♀️。另外，食物未到，就先请我哋埋单。我理性上明白平日夜晚唔系咁旺、唔多客人，可能去到呢个钟数，预留嘅食物已经唔多，而且想趁收工前埋埋条数。但系我（情感上😂）都几失望食物嘅选项净返咁少。而且，个氛围令人唔会想好似之前咁静静坐低、慢慢enjoy吓啲食物。平心而论，食物质素保持到，真系好食，但今次会令我却步再过嚟帮衬🥲（少少side note，唔好误会，其实staff嘅态度冇问题同友善～不过，对比起之前嚟嘅经验，今次咁样真系有啲失望。）