金記冰室 (八號花園) (已結業)

一向都系金记冰室嘅忠实粉丝，平时下午茶lunch都会去帮衬佢，今次就同妹妹去屋企附近「金记冰室」再擦返餐饱。钟意佢嘅餐牌食物种类多，而且分门别类，可以令客人一目了然。现时疫情仍是反反覆覆状态，因此餐厅采用扫描QR code下单，落单过程简易方便，又可以减少人与人嘅接触。本身都钟意食啲麻辣嘅嘢食，这一碗麻辣鸡片米线正啱我心意，套餐仲可以半价加配饮品或者餐汤，骤眼睇卖相非常吸引，而且配料相当丰富，包括有豆腐卜及鸡片等，仲有炸蒜同埋葱花粒令汤底更香，钟意佢少少辣，米线同芽菜都好入味啊。川味回锅肉炒乌冬，即叫即炒好有镬气，每一片回锅肉都是半肥瘦的，我而且肉质很鲜嫩，椰菜朔晒精华味道，我哋唔够10分钟就食晒了。榄菜鸡粒炒饭同样地粒粒米饭都好入味，里面有鸡蛋丝、鸡肉粒等，榄菜唔会太咸又唔会太淡，分量刚刚好呢。还有家人最喜欢嘅西炒饭，酸酸甜甜嘅味道确实好开胃。最后饮品点少得叫呢度嘅招牌饮品 - 冰凉原味奶茶，奶茶非常香滑香醇，浓郁的奶香味超滑溜，奶味与苦涩味刚刚好，难怪是镇店之宝。最后食咗咁多野，埋单都只系$300多啲，食物质素依旧不变，一样咁好味咁有镬气，难怪平日都经常满座呢。