影片
更多
2013-09-24
9934 浏览
今次系我第二次帮衬View 8 Fire Club，上次喺大角咀店经已觉得无得弹，BBQ+卡拉OK+有镖掟，简直一次过满足哂我3个愿望！适逢中秋佳节，友人话官塘开咗分店，我地一众〝好火之徒〞当然要去追月兼趁吓热闹啦！一众14人由官塘站出发，5分钟就到！呢度比大角咀店更大更舒适，仲有Locker可以租用，几个朋友仔夹份租一个都系廿蚊，咁就玩得安乐放心啦！可能大时大节嘅关系，个场比较平日多人，不过呢d日子出得嚟玩就预咗啦，得小猫三四只嘅话你仲惊！二话不说上去开餐！大虎虾系我哋嘅不二之选，又大只又弹牙！之前喺大围食过，一样咁嘅size要五六十蚊只，呢度只系$28只，好抵食！！猪颈肉同金莎骨都系我嘅至爱。猪颈肉烧到个面脆卜卜，咬落入面爽脆！金莎骨甜甜地够哂入味，肉质软滑，烧耐咗都唔会韧！呢度嘅食物腌得好入味，款式又够多，唔似有d烧烤场求其落几粒蒜蓉就当腌咗，淡而无味。尾声必定留肚食嘅蒜蓉牛油法包，够哂特色，轻轻一烘又香又脆，自从上次试过之后我就决定以后唔再烧方饱！医饱个肚，再落番楼下叹冷气、唱歌仔、掟吓镖，一个圆满嘅追月夜！睇嚟下次再想轻轻松松咁BBQ，呢度都会系我地嘅首选！
一众14人由官塘站出发，5分钟就到！呢度比大角咀店更大更舒适，仲有Locker可以租用，几个朋友仔夹份租一个都系廿蚊，咁就玩得安乐放心啦！可能大时大节嘅关系，个场比较平日多人，不过呢d日子出得嚟玩就预咗啦，得小猫三四只嘅话你仲惊！
二话不说上去开餐！大虎虾系我哋嘅不二之选，又大只又弹牙！之前喺大围食过，一样咁嘅size要五六十蚊只，呢度只系$28只，好抵食！！
猪颈肉同金莎骨都系我嘅至爱。猪颈肉烧到个面脆卜卜，咬落入面爽脆！金莎骨甜甜地够哂入味，肉质软滑，烧耐咗都唔会韧！呢度嘅食物腌得好入味，款式又够多，唔似有d烧烤场求其落几粒蒜蓉就当腌咗，淡而无味。
尾声必定留肚食嘅蒜蓉牛油法包，够哂特色，轻轻一烘又香又脆，自从上次试过之后我就决定以后唔再烧方饱！
医饱个肚，再落番楼下叹冷气、唱歌仔、掟吓镖，一个圆满嘅追月夜！睇嚟下次再想轻轻松松咁BBQ，呢度都会系我地嘅首选！
题外话/补充资料：
呢度嘅员工同服务态度的确值得一赞，虽然见佢地做到大汗叠细汗，但系都仍然笑容满脸，好有礼貌！食物饮品都 fill 得好快！
(以上食记乃用户个人意见 , 并不代表OpenRice之观点。)
张贴