Nisugu (雙子匯1期)

营业中

休息中

同家人去行新开嘅SOGO，见食评唔错去试试，主要见有西班牙海鲜饭，老人家应该啱食。walkin 排咗大概20-25分钟队，入座前先讲西班牙海鲜饭售罄，咁都照入，试一试新餐厅。最离谱，发现比我哋后入嘅人叫到西班牙海鲜饭！个侍应话系我哋落单之后先有(?)，本身入座之前我哋已经表示想食，当时佢仲好好心地同我哋推介其他菜色，然后个待应先揾经理处理，但口罩经理解释嚟嚟去去得一句，态度差，原本开开心心嘅饭都冇心情继续食。软壳蟹蟹肉西班牙饭 $198蟹肉偏少，1只软壳蟹，饭未熟已经拎咗去焗，明显饭好硬，绝对唔系想像中西班牙饭成盘拎去煮。Spanish Sucking Pig $268好食嘅，肥瘦分明有脆皮，苹果蓉解腻。Gambas Al Ajillo $128蒜油唔会错，但一片簿面包唔过瘾。Iberia Ham Fig Salad $118份量偏少。