月瀧天 (已結業)

太太有团购优惠，60元一位就有个任食午餐，基本上系无左日本菜啫，可接受！由于已订位，一去到就可以就坐，但第一轮点选的菜等了超过15分钟，可能厨房师父未上力，或者个锅未烧热挂，不过第一轮过后就好好多，接著入的ORDER纸，10分钟内都可以到，而且无漏单，反而成日俾多我添，可能食左其他枱的点菜，大家记得写枱号写得清楚些吧！服务OK，换碟换得好密，但系传菜的人就麻麻，成日飞碟，或者将碟菜放在枱边就走左去！讲完服务，都要讲下食物质素，基本味道可接受，炸物多了点，煮物油了点，由于全枱不吃辣，辣物不详，可推介的会系蔗虾、鸡丝粉皮、汤河同埋咸柠水，似乎东南亚菜式比中式菜做得好，以60元来说，绝对叫超值，好多中价菜馆都未必有佢咁好食。最后都想表扬当日换碟那位小姐，佢好勤力，而且主动同客人讲下野，问下客人够唔够食，抵赞。另外，希望店舖改善一下佢个甜品柜，放正系大门，但攞甜品的柜门却在客户坐位后面，攞甜品极不方便，而且有时仲撞到其他客人，好唔好意思嘛。