为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html

wongvivian86

等级4

1.5K

一行4人，都知要等好耐先有枱。于是点咗其中一个fd5:45去攞飞。点知咁早去都无用，第一轮都系入唔晒，要等第二轮。第五张枱，都唔知要等几耐，问个派飞姐姐，佢话「好难答你𠮶wor!」答完=无答，日日都系有咁嘅现象架喇，点会答唔到呀，我地又唔系要个exact time，大概都知啦挂！咁嘅态度！最后，7:45有位，真系等到人都傻，如果好饿嘅话去等，真系等到饿晕都未有枱。其实佢枱唔算少，但可能大部份人都食好耐，而个main point 唔系客人食得耐，而系服务根本配合唔到。仲有一样令人气顶的事...未叫到我地number 嘅时候，我地已经行定去。但个柜枱度围咗一大堆心急的客人，讲真我地已经好快。点知当我地递张飞嘅时候，个waitress竟然话「唔该你地下次快d！」呢D咩态度呀！我地已经好快，但系因为有人围住嘅个柜枱丫嘛，唔通我地批肘呀！仲要串番我地转头，唔通要好似刘翔咁快丫！预先已看好点甚么，食物不多，不会太难选择。我地都系拣十大食物。酱汁有魔法之盐、烧汁同辣酱。三个酱味道不算特出，辣酱仲搞笑，完全唔辣，甜甜地，似甜酱多点。落单后，明明听到个waitress话帮我地开咗炉，但turn out

一行4人，都知要等好耐先有枱。于是点咗其中一个fd5:45去攞飞。
点知咁早去都无用，第一轮都系入唔晒，要等第二轮。
第五张枱，都唔知要等几耐，问个派飞姐姐，佢话「好难答你𠮶wor!」答完=无答，日日都系有咁嘅现象架喇，点会答唔到呀，我地又唔系要个exact time，大概都知啦挂！咁嘅态度！

最后，7:45有位，真系等到人都傻，如果好饿嘅话去等，真系等到饿晕都未有枱。
其实佢枱唔算少，但可能大部份人都食好耐，而个main point 唔系客人食得耐，而系服务根本配合唔到。
仲有一样令人气顶的事...未叫到我地number 嘅时候，我地已经行定去。
但个柜枱度围咗一大堆心急的客人，讲真我地已经好快。
点知当我地递张飞嘅时候，个waitress竟然话「唔该你地下次快d！」
呢D咩态度呀！我地已经好快，但系因为有人围住嘅个柜枱丫嘛，唔通我地批肘呀！

仲要串番我地转头，唔通要好似刘翔咁快丫！

预先已看好点甚么，食物不多，不会太难选择。
我地都系拣十大食物。

酱汁有魔法之盐、烧汁同辣酱。
三个酱味道不算特出，辣酱仲搞笑，完全唔辣，甜甜地，似甜酱多点。

落单后，明明听到个waitress话帮我地开咗炉，但turn out 原来系无啰！

都知烧肉真系可以烧好多都唔饱，于是每人一个牛角饭。
牛角饭，大大碗$19，底有烧汁，上面铺满紫菜。
紫菜优质，好香，配埋烧完嘅肉一齐食很不错！

饭粒分明，加上底部的烧汁，很香。

辣油豆腐，一d都唔辣，好心就唔会claim 系辣油啦。
系辣油嘅colour, but 完全无辣味，O mouth~
豆腐普通到唔普通，同街市买嘅无分别，又唔滑，又唔重豆味。

叫咗几款牛肉，猪颈肉同厚切牛舌。
猪颈肉，不错，好爽，又唔会太肥。
牛舌，失望...没想像中好。
有筋有点韧，唔香，厚切都唔好食。

上级牛肋肉，呢个就好好味。
厚度刚好，个menu 教人烧24 sec...真系ok wor~
牛肉油花均匀，烧得两面刚熟仲好juicy...
牛味浓，肉质软淋，配一啖牛角饭一绝！

王样！胸腹肉(盐味牛油)，两条粗粗大大。
附上scissors ，将其剪开一旧旧。
个侍应递上时有讲点食，但讲到好似急口令咁...都唔知系咪讲俾客听...
都唔知烧咗定剪咗先烧。我地求其，剪咗先烧。
比起上级牛肋肉，这个会有少少韧，但牛味也浓。
烧起后，立刻放牛油在上溶，很香。

我地第一round 之后，再加点了一客牛肉。
等呀等，等咗half an hour 都未黎，叫waitress追，个个都系𠮶句「转头帮你」
个个个头转几廿次都未帮到我地，真系火都黎埋！只系加多碟牛肉，就要等30 mins...
根本唔系d客赖住唔走，而系佢地根本配合唔到，追一碟食物起码追咗5次。真系好过份。
个个waitress 成日行黎行去，好似好忙咁，但真系唔知佢地有咩咁忙啰！

还追加了甜品，牛角雪糕同铜锣烧。
牛角雪糕又系好普通，只系上面有黄豆粉同黑糖浆。
铜锣烧好味，烧完之后，外脆内软，又外温内冻。