韓台站

营业中

休息中

食物上菜一刻，我地成家人呆咗。𠮶刻内心嘅震撼同矛盾非墨笔可以形容晒⋯⋯⋯大家望吓张相。呢个一个手掌打开咁阔嘅煲仔，里面装住一啲奶白色嘅水，同浮起得3嚿嘅饺子同年糕片，价值$46。 is that a joke？ 我谂一定有人话：屋村商场仔嘅餐厅，要求唔好咁高啦～ 但唔系咁㗎嘛，当你从一开始做生意挂「韩式、台式料理」做招徕，顾客自然有所期待，希望食到啲同「嗱喳」快餐唔同嘅食物。个汤淡而无味，似系平时自己喺屋企白烚公仔面时剩下嘅汤面水咁嘅味，饺子一食就食到系急冻即食饺，而啲年糕，系同个汤唔夹嘅。 佢地好似陌生人被迫盲婚哑嫁，煮𠮶刻先知道要勉强起埋一齐，尴尴尬尬咁⋯仲有，配菜都冇，至少，年糕汤，正常系有葱、洋葱、蛋丝或海带之类嘅嘢衬托，但呢煲嘢，系零配菜，感觉系将饺子年糕白烚后放埋一齐算嘅喳流摊之作。同样嘅价钱，食物质素不如去帮衬其他小店，so sad。