一木小料理 (已結業)

纯粹经过谂住揾啲轻食，一食就后悔。中伏后先谂起睇食评，睇嚟饭𩠌冻同啲饭一旧旧系个norm。两个人食咗210。味道方面系：-牛油杂菌系冻同无牛油味，-茶渍饭个茶都系无味、饭系一旧过黐到实，最终系食唔到。-咖喱牛肉都系冻嘅，咖喱系日式咖喱砖味，睇你自己钟唔钟意啦。-炸紫薯饼系暖嘅，同埋炸得有啲㶶。-茄子田乐烧个茄子本身都系无味，纯粹靠个汁。本来本住唔好浪费，尽量食𠹺佢，但系去到个饭真系搞唔掂，无办法完成。最终前后食咗20分钟就走啦。食完之后个胃仲觉得有啲闷闷地唔舒服添。早知由佢啦。